Исроил армияси (ЦАХАЛ) Ғазо секторидаги туннель тармоқларига денгиз сувини қуйишни бошлади, деб хабар бермоқда Wall Street Journal нашри.
Аввалроқ Исроил армияси Ғазо секторидаги ҲАМАС туннель тизимларини денгиз суви билан тўлдириш учун қувурлар ўрнатган эди. Анклав шимолидаги “Аш-Шати” қочқинлар лагери яқинида бешта қувур ўрнатилган. Қувурлар ёрдамида ҲАМАС туннелларини бир неча ҳафта ичида Ўрта ер денгизи суви билан тўлдириш мумкин.
Исроил Мудофаа вазирлиги вакили туннеллардаги операциялар махфий эканлигини айтиб, изоҳ беришдан бош тортди. Бироқ Wall Street Journal газетаси Исроил армиясининг амалиётларидан хабардор бўлган америкалик расмийларга таяниб, сув чиқариш жараёни бошлангани ва ер ости инфратузилмаси бузилаётгани ҳақида хабар берди.
Эслатиб ўтамиз, ЦАХАЛ расмий вакили контр-адмирал Даниэль Хагарининг айтишича, Исроил армияси Фаластин майдони остида Ғазо шаҳрининг катта туннель тармоғини топган.
Шунингдек, келгуси ҳафта Исроил ва ҲАМАС ўртасида гаровга олиш бўйича янги музокаралар ўтказилиши мумкинлиги хабар қилинган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
