Turkiya yetakchisi Rajab Toyyib Erdo‘g‘on Rossiya prezidenti Vladimir Putin bilan g‘alla koridorini qayta tiklash masalasini muhokama qilish uchun uchrashish rejalari haqida ma’lum qildi. Bu haqda Anadolu agentligi xabar berdi.
“Yaqin kunlarda biz Rossiya prezidenti Vladimir Putin bilan uchrashamiz va don yo‘lagini ishga tushirishni taklif qilamiz. Umid qilamanki, biz undan ijobiy javob olamiz va bu ishni davom ettiramiz”, — dedi Turkiya rahbari.
Shuningdek, Rossiya, Turkiya va Qatar Anqara orqali Afrikaning muhtoj davlatlariga don yetkazib berish bo‘yicha uch tomonlama kelishuvga erishganini ta’kidladi. Erdo‘g‘on Qora dengiz bo‘yidagi g‘alla yo‘lagining qayta tiklanishini “adolatli dunyo sari ijobiy qadam” deb atadi va turk tomoni Rossiyadan kelgan donni Afrikaga jo‘natishdan oldin uni o‘z hududida qayta ishlash rejalarini eslatdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
