Nyu-Dehlida havo ifloslanishi darajasi oshishi sababli transport vositalari harakati va qurilish ishlariga cheklovlar qayta kiritildi, deya xabar bermoqda Xinhua.
Dehli hukumati atrof-muhitni muhofaza qilish vaziri Gopal Rai mamlakat poytaxtidagi AQI havo sifati indeksi «xavfli» darajaga yetganini aytdi, bu esa transport va qurilish ishlarida cheklovlarga olib keldi.
Federal hukumatning havo sifatini boshqarish komissiyasi Dehli va milliy poytaxt hududi atrofida muhim bo‘lmagan qurilish ishlarini va BS-III hamda BS-IV benzin va dizel bilan harakatlanadigan transport vositalaridan foydalanishni taqiqlashni buyurdi.
Ifloslanishni nazorat qilish markazining ma’lumotlariga ko‘ra, Nyu-Dehli havo sifati indeksi 447 ni tashkil etdi, bu xavfli hisoblanadi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
