Xitoy kosmik fan va texnologiya sohasida tajribalar o‘tkazish uchun mo‘ljallangan uchta sun’iy yo‘ldoshni orbitaga chiqardi, deb xabar bermoqda Xinhua agentligi.
Long March-11 raketasining uchirilishi seshanba kuni ertalab Xitoy janubidagi Guandun provinsiyasi qirg‘oqlari yaqinidagi dengizda bo‘lib o‘tdi. Ushbu parvoz Long March seriyali raketalar uchun 503-chi parvoz edi.
Shiyan-24 °C sun’iy yo‘ldoshlari asosan kosmik fan va texnologiya tajribalari uchun mo‘ljallangan.
Eslatib o‘tamiz, Xitoy Xalq Respublikasi Davlat kengashi tomonidan e’lon qilingan 2021 yilgi Xitoyning kosmik dasturi bo‘yicha Oq kitobda kosmik infratuzilma bilan bog‘liq holda kelgusi besh yilga mo‘ljallangan yangi vazifalar ochib berilgan.
Xitoyning katta rejalari Yerni masofadan turib zondlash uchun sun’iy yo‘ldosh tizimini ishlab chiqish va «BeiDou» navigatsiya tizimini modernizatsiya qilish bilan bog‘liq. Ekologik ofatlarni boshqarish uchun Yer resurslari sun’iy yo‘ldoshi «Ziyuan-3 03» va «Huanjing Jianzai-2A/2B» sun’iy yo‘ldoshlarini ishga tushirdi. Xitoy «Haiyang-1 °C/1D» va «Haiyang-2B/2C/2D» sun’iy yo‘ldoshlari yordamida dunyo okeanining istalgan hududini yuqori aniqlikda kuzatishi mumkin.
Geostatsionar orbitadagi «Fengyun-4A/4B» yangi avlod meteorologik sun’iy yo‘ldoshlari har qanday ob-havo sharoitida, atmosferani aniq va uzluksiz kuzatish va tabiiy ofatlarni kuzatish imkoniyatiga ega. Va «Zhongxin-6 °C» va «Zhongxin-9B» sun’iy yo‘ldoshlari radioeshittirish va televideniye xizmatlarining uzluksiz, barqaror ishlashini ta’minlaydi.
Xitoy yuqori va past orbitada kosmik kemalarning birgalikda ishlashi bilan sun’iy yo‘ldosh aloqa tarmog‘ini qurishni va ikkinchi avlod sun’iy yo‘ldosh ma’lumotlar uzatish tizimini yaratishni rejalashtirmoqda. Butun dunyo bo‘ylab samarali keng qamrovli Yer monitoringi va ma’lumotlarni yig‘ish uchun ikkita antennaga ega X diapazonli interferometrik sintetik diafragma radarini (InSAR) ishlab chiqish rejalari amalga oshirilmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
