Yevropa Kengashi prezidenti Sharl Mishel Yevroparlamentga (AP) saylovlarda ishtirok etishini va o‘z lavozimini muddatidan oldin tark etishini aytdi. Bu haqda RIA Novosti xabar bermoqda.
Mishelning mandati 2024-yil noyabr oyi oxirida tugaydi, biroq u yozda o‘z lavozimini tark etishga qaror qildi. Uning so‘zlariga ko‘ra, Yevropa Kengashi raisi lavozimini Yevroparlament a’zosi ishi bilan birlashtirib bo‘lmaydi, shuning uchun u yangi chaqiriq deputatlari qasamyod qilgan sana – 16-iyulgacha iste’foga chiqadi.
Avvalroq Yevropa Komissiyasi0 prezidenti Ursula fon der Leyen 2024-yilni demokratiya uchun muhim yil deb hisoblagan edi. YeK rahbari bu yil Yevroparlamentga saylovlar va AQShda prezidentlik saylovlari bo‘lishini eslatdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
