Qalin tuman (koʻrinish 250 m) – koʻrish masofasi pasayishi sababli bir qator reyslar muqobil aerodromlarga yoʻnaltirildi.
Xususan, “Uzbekistan Airways” aviakompaniyasining HY602 (Moskva – Toshkent) reysi poytaxt aeroportiga qoʻna olmadi. Ekipaj Samarqanddagi muqobil aerodromga uchishga qaror qildi. Samolyot Toshkent vaqti bilan soat 05:20 da Samarqand aeroportiga qoʻndi.
Shuningdek, mahalliy vaqt bilan soat 05:19 da havoga koʻtarilgan “Uzbekistan Airways” aviakompaniyasining HY9613 (Moskva – Toshkent) reysi yoʻlovchining sogʻligʻi yomonlashgani sababli Urganchdagi muqobil aerodromga yoʻl olishga qaror qildi. Samolyot Toshkent vaqti bilan soat 06:42 da Urganch aeroportiga qoʻndi.
“Uzbekistan Airways” aviakompaniyasining HY708 reysi (Vladivostok – Toshkent) Samarqanddagi muqobil aerodromga yoʻl oldi. Samolyot Toshkent vaqti bilan soat 07:03 da Samarqand aeroportiga qoʻndi.
“Centrum Air” aviakompaniyasining C67704 (Jidda – Toshkent) reysi ham muqobil aerodromga yoʻl oldi. Samolyot Toshkent vaqti bilan soat 07:52 da Samarqand aeroportiga qoʻndi.
“Rossiya” aviakompaniyasining SU6971 (Toshkent – Sankt-Peterburg) reysi Fargʻona muqobil aerodromiga yoʻl oldi. Samolyot mahalliy vaqt bilan soat 10:05 da Fargʻona aeroportiga qoʻndi.
“Panorama Airways” aviakompaniyasining 5P5366 va 5P362 (Madina – Toshkent) reyslari Samarqanddagi muqobil aerodromga yoʻl oldi. 5P362 reysining taxminiy yetib kelish vaqti mahalliy vaqt bilan soat 10:28 da. 5P5366 reysi Samarqand aeroportiga soat 10:21 da qoʻndi.
Shuningdek, Oʻsh (Qirgʻiziston) aeroportida noqulay ob-havo sharoiti tufayli Quvaytdan uchayotgan “Jazeera Airways” aviakompaniyasining J9653 reysi Namangandagi muqobil aerodromga joʻnab ketdi. Samolyot Toshkent vaqti bilan soat 08:35 da Namangan aeroportiga qoʻndi.
Poytaxt aeroportida koʻrish imkoniyati pastligi sababli “Humo Air” aviakompaniyasining HJ22 (Nukus — Toshkent) reysi Buxorodagi muqobil aerodromga yoʻl oldi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!