Yangiliklar

Qalin tuman sababli Toshkent aeroporti faoliyati cheklandi

Qalin tuman sababli Toshkent aeroporti faoliyati cheklandi
Foto: “UZBEKISTAN AIRPORTS”

Qalin tuman sabab koʻrish masofasining pasayishi (150 metr) “Toshkent” xalqaro aeroportida havo kemalarini qabul qilishni chekladi. Bu haqda “UZBEKISTAN AIRPORTS” xabar berdi.

Xususan, Qanot Sharq aviakompaniyasining HH2234 (Fukuok – Toshkent) reysi kutish hududida boʻlganidan soʻng Samarqanddagi muqobil aerodromga yoʻnaltirildi.

“Silk Avia” aviakompaniyasining US802 (Buxoro – Toshkent) reysi ham Samarqanddagi muqobil aerodromga yoʻl oldi.

“Toshkent aeroportidan samolyotlarning joʻnab ketishiga cheklovlar yoʻq. Parvozlar rejaga asosan amalga oshirilmoqda”, — deyiladi xabarda.