Majburiy ijroi byurosining Uchtepa tuman boʻlimi ish yurituvida, Toshkent shahar YHXBBsining mamuriy jarimalari yuzasidan qarzdor Sh.H. dan 88 marta yoʻl harakati qoidalariga rioya qilmay, buzishi oqibatida 40,2 mln soʻm miqdorida ma’muriy jarima qarzdorligini undirish belgilangan.
Qarzdor unga berilgan ixtiyoriy muddatda jarima summalarini toʻlamay kelgan. Oqibatda byuroning tuman boʻlimi tomonidan majburiy ijro harakatlariga kirishilib, Toshkent shahar Yoʻl harakati xavfsizligi bosh boshqarmasi bilan hamkorlikda olib borilayotgan reyd tadbirlari jarayonida harakatdan toʻxtatilib, jarima maydoniga joylashtirildi.
88 marta qoida buzgan qarzdor fuqaroning Fuqarolik ishlari boʻyicha Mirzo Ulugʻbek tumanlararo sudining qaroriga asosan ATB “Kapital bank” foydasiga 52,8 mln soʻm miqdorida qarzdorligi mavjud boʻlib, Spark bir yoʻla ikkita qarzdorlikni qoplash maqsadida auksion savdolariga chiqariladi.
Endilikda sotuvdan tushgan pul mablagʻlari qarzdorliklarga yoʻnaltiriladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
