Yangiliklar

Fargʻonadagi metan zapravkada sodir boʻlgan janjal oqibatida bir kishi vafot etdi

Fargʻonadagi metan zapravkada sodir boʻlgan janjal oqibatida bir kishi vafot etdi
Foto: Ijtimoiy tarmoqlar

Ijtimoiy tarmoqlarda Fargʻona viloyati, Dangʻara tumanidagi metan zapravkada janjal boʻlgani va bir yosh yigit vafot etgani haqida xabarlar tarqalgan edi. Bosh prokuratura matbuot xizmati rahbari Hayot Shamsutdinov ushbu maʼlumotni tasdiqladi.

Maʼlum qilinishicha, janjal vaqtida bezorilikni oldini olish maqsadida, ularni ajratish uchun kelgan boshqa shaxsga (2001-y.t.) ham faol qarshilik koʻrsatilgan. Bir necha vaqtdan soʻng, ushbu shaxs xushini yoʻqotgan va shifoxonaga olib borilayotgan vaqtida vafot etgan.

Olib borilgan tergov oldi tekshirish harakatlari davomida Dangʻara tumani IIB huzuridagi TG tomonidan ikki nafar shaxsga nisbatan Jinoyat kodeksining 277-moddasi (Bezorilik) bilan jinoyat ishi qoʻzgʻatilgan va ular protsessual tartibda ushlangan.

Marhumning oʻlimi yuzasidan Dangʻara tumani prokuraturasi tomonidan tergovga qadar tekshirish harakatlari olib borilmoqda. Uning oʻlim sababini aniqlash maqsadida sudga oid tibbiy ekspertizasi tayinlangan.

“Tergov va tekshirish harakatlari har tomonlama, toʻliq va xolisona oʻtkazilishi va natijasi boʻyicha qonuniy qaror qabul qilinishi taʼminlanadi”, — deyiladi xabarda.