Ijtimoiy tarmoqlarda Toshkent shahrida ikki avtobus yoʻlovchi talashib, YTH sodir etgani haqida xabarlar tarqaldi. Holat yuzasidan Toshshahartransxizmat AJ Matbuot xizmati munosabat bildirdi.
Maʼlum qilinishicha, ushbu holat bugun soat 11:00 larda sodir bщlgan. Bunda “Yutong” rusumli 28-sonli yoʻnalish haydovchisi X.A avtobusni Yashnobod tumani, Mahtumquli koʻchasi boʻylab boshqarib kelib, “Uspenskiy nomidagi musiqa maktabi” bekatiga toʻxtayotgan vaqtida, shu bekatda toʻxtab yoʻlovchi tushirayotgan boshqa bir “Yutong” rusumli 44-sonli avtobus bilan yonlama oraliq masofani saqlamaganligi oqibatida 28-sonli avtobusning oʻrta eshik qismi hamda 44-sonli avtobusning chap tomon orqani koʻrish oynasining korpus qismi bilan bir-biriga tegib qirilgan.
Sodir etilgan toʻqnashuvda tan jarohati olganlar yoʻq.
“Hozirda mazkur yoʻl-transport hodisasi Toshkent shahar Ichki ishlar bosh boshqarmasi Yoʻl harakati xavfsizligi boshqarmasi xodimlari tomonidan oʻrnatilgan tartibda rasmiylashtirilganligini maʼlum qilamiz”, — deyiladi xabarda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
