Toshkent shahriga toʻrt vagonli yangi 3 ta zamonaviy metro harakat tarkiblari olib kelindi. Bu haqda “Toshkent metropoliteni” DUK matbuot xizmati xabar berdi.
Maʼlum qilinishicha, ushbu harakat tarkiblari belgilan yoʻriqnomaga asosan, 8-10 kun davomida texnik sinovdan oʻtkazilib, soʻngra yoʻlovchilarga xizmat qilishi yoʻlga qoʻyiladi.
Yoʻnalishlardagi vaqt intervallarini yanada qisqartirish maqsadida, yangi harakat tarkiblari asosan, “Yunusobod” va “Yer usti halqa yoʻli yoʻnalishlari”da harakatga chiqariladi.
“Shuningdek, 2024-yil may oyi soʻngiga qadar bosqichma bosqich ravishda yana 8 ta metro poyezdi olib kelinishi rejalangan. Bu rejaviy ishlar natijasida, metro vagon parklarini yangilash va belgilangan vaqt intervallarini yanada qisqartishga erishish maqsad qilingan”, – deyiladi xabarda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
