Korrupsiyaga qarshi kurashish ishlarining samaradorligini reyting baholash tizimi boʻyicha davlat organlari va tashkilotlari, shu jumladan, mahalliy ijro etuvchi hokimiyat organlarining 2023-yil davomidagi faoliyatida korrupsiyaga qarshi kurashish mexanizmlar qay darajada samarali amalga oshirilgani baholandi.
Bu yil 95 ta davlat tashkiloti, jumladan, 36 ta davlat tashkiloti ilk marotaba, qolgan 59 tasi esa takroran baholashdan oʻtkazilgan boʻlib, korrupsiyaga qarshi kurashish ishlarining samaradorligi 0 balldan 100 ballgacha reytingda baholandi.
Baholash natijalariga koʻra, mazkur tashkilotlarning faoliyat samaradorligi quyidagi toifalarga ajratildi:
- 42 tasi “yaxshi” (81-100 ball)
- 38 tasi “qoniqarli” (55-80 ball)
- 15 tasi “qoniqarsiz” (55 balldan past)
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!