Isroil Damashqdagi Eron elchixonasi hududida joylashgan konsullik binosiga havo hujumi uyushtirgan.
Eronning rasmiy xabar agentligi IRNAning xabar berishicha, Eronning Damashqdagi elchisi Akberi, Isroil F-35 qiruvchi samolyotlari yordamida Damashqdagi Eron konsulligi binosiga 6 marta raketa hujumi uyushtirgan.
Eron Islom inqilobi qo’riqchilari korpusi Damashqdagi Eron konsulligi binosiga uyushtirilgan hujum bilan bog’liq yozma bayonot berdi.
Bayonotda aytilishicha, Isroil Eron elchixonasi hududida joylashgan Damashq konsulligi binosiga raketa hujumi uyushtirgan va buning oqibatida brigada generali Muhammad Rizo Zohidiy va brigada generali Muhammad Hodi Haj Rahimiy hamda tashkilotning 5 nafar xodimi halok bo‘lgan.
Eronning Damashqdagi elchisi Husayn Akberining aytishicha, Damashqdagi Eron konsulligi binosiga Isroil havo hujumi uyushtirgani uchun «tez, to’g’ridan-to’g’ri va qat’iy» javob qaytaradi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
