O‘zbekistonda iqtisodiy o‘sish sekinlashishi kutilmoqda

Hukumat joriy yilda 5,6–5,8 foizlik iqtisodiy o‘sishni prognoz qilgan. Xalqaro moliyaviy institutlarning kutilmalari bundan biroz farq qiladi.

Jahon banki o‘tgan hafta e’lon qilgan yangi hisobotida 2024-yilda O‘zbekiston YaIM o‘sishi bo‘yicha o‘z prognozini yanvar oyida e’lon qilingan prognoz ko‘rsatkichdan 0,2 foiz bandga pasaytirib, 5,3 foiz deb belgiladi. Kecha, 15-aprel kuni esa Osiyo taraqqiyot banki joriy yilda O‘zbekiston iqtisodiyoti 5,5 foizga o‘sishini taxmin qildi.