Isroil armiyasining G‘azo sektori shimolidagi Indoneziya kasalxonasi yaqinida to‘plangan falastinliklarga hujumi oqibatida bir kishi halok bo‘ldi, ikki kishi yaralandi. Bu haqda Hukumat bayonotiga tayanib, «Anadolu» agentligi xabar berdi.
Guvohlarning so‘zlariga ko‘ra, Isroil samolyoti G‘azo sektori shimolidagi Indoneziya kasalxonasi yaqinidagi Shayx Zayed hududida to‘plangan odamlarni urib yuborgan.
Hujum oqibatida bir falastinlik halok bo‘ldi, ikki kishi yaralandi. Yaradorlarning ahvoli og‘ir.
Isroil 2023-yil 7-oktabrdan buyon hujumlarda 1200 isroillik halok bo’lganini va 5132 kishi yaralanganini e’lon qildi.
7-oktabrdan beri Isroilning G‘azo sektoriga uyushtirgan hujumlarida 34 305 falastinlik, jumladan 14 685 bola va 9 670 ayol halok bo‘ldi, 77 293 nafari yaralandi.
Vayronalar ostida hali ham minglab qurbonlar bor, biroq fuqarolik infratuzilmasi ham vayron bo’lmoqda: odamlar boshpana topadigan shifoxonalar va ta’lim muassasalariga zarba berilayapti.
Isroil armiyasi G‘azo sektoriga hujumlar boshlangan 7 oktabrdan buyon uning 604 nafar harbiysi o‘ldirilgani, ulardan 260 nafari hududni bosib olish vaqtida halok bo‘lganini ma’lum qildi.
2023-yil 24-noyabrda 81 nafar isroillik va 240 nafar falastinlik mahbus 2023-yil 24-noyabrda 4 kunga berilgan, so‘ngra yana 3 kunga uzaytirilgan “gumanitar pauza” vaqtida o‘zaro ozod qilindi. Boshqa tomondan, Isroil minglab falastinlikni hibsga olish va qamoqqa tashlashni davom ettirdi.
Ishg‘ol ostidagi G‘arbiy Sohil va Sharqiy Quddusda 2023-yil 7-oktabrdan beri Isroil askarlari va noqonuniy yahudiy ko‘chmanchilar tomonidan uyushtirilgan hujumlarda 489 nafar falastinlik halok bo‘ldi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
