BMT Bosh Assambleyasi bugun, 10-may kuni Falastinning to‘laqonli a’zolik masalasini ko‘rib chiqadi.
Rezolyutsiya loyihasida Falastin BMT Nizomining 4-moddasiga muvofiq BMTga a’zolik mezonlariga javob berishi qayd etilgan.
AQSh Falastinning BMTga toʻlaqonli aʼzo boʻlishini talab qiluvchi rezolyutsiyasiga 18-aprel kuni veto qoʻyganidan soʻng, ertaga BMT Bosh Assambleyasi BMT Xavfsizlik Kengashining ushbu masalani qayta koʻrib chiqishi va Falastinga qoʻshimcha huquqlar berishini talab qiluvchi rezolyutsiya loyihasiga ovoz beradi.
Rezolyutsiya loyihasida qayd etilishicha, “Falastin BMT Nizomining 4-moddasiga muvofiq BMTga a’zolik mezonlariga javob beradi va shuning uchun BMT a’zoligiga qabul qilinishi kerak”.
Shuningdek, loyihada BMT Xavfsizlik Kengashiga ushbu kontekstda masalani “ijobiy yo‘nalishda” qayta ko‘rib chiqish tavsiya etiladi.
Rezolyutsiya loyihasi Falastinning Bosh Assambleya sessiyalarida, BMT organlari tomonidan tashkil etiladigan yig‘ilishlarda va BMT konferensiyalarida ishtirok etishini ta’minlash uchun muayyan qoidalarni qabul qilishga chaqiradi va buni “istisno va pretsedentsiz” amalga oshirishni so‘raydi.
Iqtisodiy va Ijtimoiy Kengashni ushbu kelishuvlarni “Kengashda Falastin ishtirokisiz” amalga oshirishga chaqiradi va buni BMTning boshqa organlari, maxsus agentliklari va BMT tizimidagi tashkilotlariga ham tatbiq etishni talab qiladi.
Rezolyutsiya loyihasida Falastin xalqining o‘z taqdirini o‘zi belgilash va davlatchilik huquqi haqida so‘z boradi hamda BMT Bosh kotibini rezolyutsiyani amalga oshirish uchun zarur choralarni ko‘rishga chaqiradi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
