Andijonda Matiz bilan to‘qnashgan Damas ag‘darilib ketdi. Bu haqda YHXB matbuot xizmati Asaka tumanida sodir bo‘lgan YTH yuzasidan ma’lumot berdi.
Qayd etilishicha, 2024-yil 1-avgust kuni soat taxminan 20:40 larda, Asaka tumani «Fayz» MFY Sanoatchi ko‘chasidan o‘tgan «Asaka-Shahrixon» avtomobil yo‘lida, haydovchi, 1999-yilda tug‘ilgan A.A. o‘zining Damas rusumli avtomashinasini boshqarib borayotgan vaqtda qarama-qarshi tomondan harakatlanib kelayotgan, haydovchi 1997-yilda tug‘ilgan J.S. boshqaruvidagi Matiz rusumli avtomashina bilan to‘qnashib ketgan.
Damas haydovchisi boshqaruvni yo‘qotishi oqibatida o‘z yo‘nalishida o‘ng tomondan harakatlanib kelayotgan Matiz avtomashinasiga urilib YTH sodir qilgan.
Ushbu YTH oqibatida, tan jarohati olganlar yo‘q. Barcha avtomashinalar texnik shikastlangan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
