143 kishi turli darajadagi jarohatlar olgan.
Ukraina qurolli kuchlarining Rossiyaning Kursk viloyatiga uyushtirgan hujumi natijasida halok boʻlganlar soni 31 kishiga yetdi, yana 143 kishi jarohat oldi.
Bu haqda TASS agentligi tibbiyot xizmatlariga asoslanib xabar bermoqda.
Avvalroq 17 kishi halok boʻlgani va 140 dan ortiq jarohat olgani maʼlum edi.
«21 avgust kuni ertalab Ukraina Qurolli kuchlarining Kursk viloyatiga uyushtirgan hujumi natijasida 31 kishi halok boʻlgani tasdiqlandi, 143 kishi turli darajadagi jarohatlar oldi», — dedi agentlik suhbatdoshi.
Uning soʻzlariga koʻra, 79 jabrlanuvchi shifoxonaga yotqizilgan, ulardan toʻrt nafari bolalardir.
20 avgust, seshanba kuni tibbiy xizmatlar 17 kishi halok boʻlganini, 140 dan ortiq jabrlanganlardan 75 nafari kasalxonaga yotqizilganini maʼlum qildi.
Ukraina qurolli kuchlarining Kursk viloyatidagi hujumi 6 avgustga oʻtar kechasi boshlangan va shundan buyon mintaqada janglar davom etmoqda. Ushbu fonda Mudofaa vazirligi muntazam ravishda Rossiya Qurolli Kuchlari Ukraina qoʻshinlarining» bosqinchilik urinishini qaytarishda» davom etayotgani haqida xabar bermoqda. Lekin Ukraina kuchlarini toʻliq siqib chiqarib boʻlmayapti.
Kursk viloyati rahbari vazifasini bajaruvchi Aleksey Smirnov 12 avgust kuni davlat rahbari Vladimir Putinga Ukraina Qurolli kuchlari 28 ta aholi punktini nazoratga olgani, ularda 2 mingga yaqin aholi qolgani haqida xabar berdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
