Kursk viloyatida Ukraina Qurolli Kuchlari tomonidan bosib olingan hududlarda «qonun va tartibni saqlash» uchun ko‘ngillilar otryadlari tuzilmoqda. Bu haqda 29-avgust kuni viloyat gubernatori vazifasini bajaruvchi Aleksey Smirnov o‘zining Telegram-kanalida ma’lum qildi.
«Bars – Kursk» ko‘ngillilar otryadini tuzish masalasini muhokama qildik. Ushbu yangi tuzilma Kursk viloyati hududida huquq va tartibni saqlashda muhim bo‘g‘in bo‘ladi. Otryadning asosiy vazifasi – sakkizta ko‘chirilgan tumanlar hamda Kursk viloyatining boshqa hududlarida xavfsizlikni ta’minlashdan iborat bo‘ladi”, — deb yozdi u.
Uning so‘zlariga ko‘ra, shartnoma imzolagan ko‘ngillilar o‘qitilib, qurollantiriladi. Otryad a’zolari armiya va terrorizmga qarshi operatsiya shtab-kvartirasi bilan birgalikda fuqarolik infratuzilmasini himoya qilish bilan shug‘ullanadi. Otryadda ishtirok etish shartnomasi joriy ish joyini saqlab qolgan holda 6 oyga tuziladi.
“Otryadning vazifalari nafaqat xavfsizlikni ta’minlash, balki ushbu qiyin davrda o‘z manzillarida qolgan fuqarolarni qo‘llab-quvvatlash uchun aholisi ko‘chirilgan hududlarda kundalik hayotni ta’minlashda ishtirok etishni ham o‘z ichiga oladi. Qayd etish joizki, ko‘ngillilarning barcha harakatlari armiya va aksilterror rejimi shtabi bilan kelishilgan holda amalga oshiriladi”, – deya qayd etdi Smirnov.
Kursk viloyatidagi vaziyat
6-avgust kuni Kursk viloyatida kutilmagan va tezkor hujumni boshlagan Ukraina Qurolli kuchlari hozirda, o‘z bayonotlariga ko‘ra, taxminan 1300 kv km maydonni va 100 ta aholi manzilini nazorat qilmoqda. 29-avgust kuni Bild gazetasi sun’iy yo‘ldosh ma’lumotlariga tayanib, Ukraina harbiylari 3000 ga yaqin rus askari qamalib qolgan issiqlik markazini qamal qilgani haqida xabar berdi. Qozonxona maydoni 700 kvadrat metr bo‘lishi mumkin.
Harbiy tahlilchi Yan Matveevga ko‘ra, Kursk viloyatini to‘liq himoya qilish va yo‘qolgan hududlarni qaytarish uchun Rossiya Mudofaa vazirligiga 50 mingga yaqin harbiy xizmatchi kerak. Ammo Kreml armiyani Ukrainadan olib o‘tishni rejalashtirmayapti, butun kuchlarini Donbassdagi hujumga jamlagan, bu yerda, Deep State ma’lumotlariga ko‘ra, Rossiya armiyasi avgust oyining boshidan beri 200 kv km maydonni egallab olgan. Bir oy oldin RF qo‘shinlari egallagan maydon atigi 50 kv km ni tashkil etgandi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
