Ronalduning o‘zi obunachilari soni milliardga yetganini e’lon qildi.
«Eng yaxshi kunlar hali oldinda va biz birgalikda kurashishda, g‘alaba qozonishda va yangi tarix yaratishda davom etamiz», — de b yozdi futbolchi X ijtimoiy tarmog‘idagi sahifasida.
BBC’ning yozishicha, Ronaldu turli platformalarda milliard obunachi yig‘gan birinchi inson bo‘ldi. Biroq, bu uning postlarini milliard odam o‘qiydi va tomosha qiladi degani emas — ko‘pchilik bir vaqtning o‘zida bir nechta ijtimoiy tarmoqlardan obuna bo‘lgan. Bundan tashqari, uning obunachilari orasida botlar ham bor.
BBC hisob-kitoblariga ko‘ra, amerikalik qo‘shiqchi Selena Gomes ijtimoiy tarmoqlardagi obunachilar soni bo‘yicha Ronaldudan keyin ikkinchi o‘rinda turadi, uni jami 690 million kishi kuzatib boradi. Uchinchi o‘rinni 630 million obunachiga ega futbolchi Lionel Messi egallagan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
