Uchrashuvda O’zbekiston bo’ylab kasb-hunar yo’nalishidagi xizmatlarni rivojlantirish uchun asosiy hukumat vakillari, xususiy sektor rahbarlari va ta’lim muassasalari ishtirok etdi. Toshkentda bo’lib o’tgan tadbirda xususiy sektor, jamoat tashkilotlari va ta’lim tizimi o’rtasida kuchli hamkorlikni rivojlantirish. shuningdek, kasbiy yo’nalish bo’yicha xizmatlarning ahamiyatini, xususan, O’zbekiston iqtisodiyoti uchun malakali kadrlarni tayyorlashdagi rolini keng jamoatchilikka yetkazish maqsad qilingan edi.
Uchrashuvda Oliy ta’lim, fan va innovatsiyalar vazirligi (OTFIV), Maktabgacha va maktab ta’limi vazirligi (MMTV), O’zbekiston Yoshlar agentligi, Kambag’allikni qisqartirish va bandlik vazirligi (KQBV) vakillari, shuningdek, xususiy sektor (Safia, Coca-Cola, Alkogolsiz ichimliklar va sharbatlar ishlab chiqaruvchilar assotsiatsiyasi, Teamdress va boshqalar), O’zbekiston Savdo- sanoat palatasi, Ish beruvchilar konfederatsiyasi va turli nodavlat tashkilotlar ishtirok etdi.
Tadbir Oliy va o’rta maxsus ta’lim vazirligi va Maktabgacha va maktab ta’limi vazirligi vakillari hamda GIZ TexVET loyihasi rahbari Matias Klingenbergning kirish so’zlari bilan boshlandi. Ular kasb-hunar yo’nalishidagi xizmatlarni qo’llab-quvvatlash uchun vazirliklar, sanoat hamkorlari, ta’lim muassasalari va nodavlat tashkilotlari o’rtasidagi barqaror hamkorlikning ahamiyatini ta’kidladi.
Safia, Coca-Cola va boshqa jamoat uyushmalari vakillari ham o’zining maktablar bilan hamkorligi va o’quvchilarga ish dunyosini o’rganish imkoniyatlarini yaratishga bo’lgan qiziqishlarini namoyish etib, hamkorlik tajribalari bilan o’rtoqlashdi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
