Prezident sovg‘asi sifatida berilgan Tahoe avtomobilini shahar hududida soatiga 110 km tezlikda boshqargan chempion jarimaga tortildi.
Avvalroq bokschi Asadxo‘ja Mo‘ydinxo‘jayev olimpiada chempionligi uchun berilgan mashinadagi videosini ijtimoiy tarmoqdagi o‘z sahifasiga joylashtirgan va bu jamoatchilik muhokamasiga sabab bo‘lgan edi.
Toshkent shahar IIBB Yo‘l harakati xavfsizligi boshqarmasi holat yuzasidan munosabat bildirib, Asadxo‘ja Mo‘ydinxo‘jayevga nisbatan MJTKning 128 prim 3-moddasi 3-qismiga muvofiq maʼmuriy bayonnoma rasmiylashtirilib, haydovchi bilan profilaktik suhbat olib borilganini maʼlum qildi.
Ijtimoiy tarmoqlarda davlat raqam belgisi 01 Z 001 ZZ bo‘lgan TAHOE rusumli transport vositasi haydovchisi yuqori tezlikda (110 km/s) harakatlanganligi aks etgan videolavha tarqaldi. Holat yuzasidan Toshkent shahar IIBB YHXB xodimlari tomonidan haydovchi 2001-yilda tug‘ilgan M.A.ga nisbatan O‘zbekiston Respublikasi MJTKning 128 prim 3-moddasi 3-qismiga muvofiq maʼmuriy bayonnoma rasmiylashtirilib haydovchi bilan profilaktik suhbat olib borildi.
Hurmatli yurtdoshlar yo‘l harakati qoidalariga qatʼiy amal qiling, deyiladi xabarda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
