Andijon viloyatidagi AYOQSHlarda sifatsiz AI-92-markali avtobenzin sotilish holatlari aniqlandi.
Aholini sifatli neft mahsulotlari bilan uzluksiz ta’minlash chora-tadbirlari yuzasidan “O‘zenergoinspeksiya” tomonidan Andijon viloyatida o‘tkazilgan nazorat tadbirlarida AYOQSHlarda qoidabuzarlik holatlari aniqlanmoqda.
Xususan, Baliqchi tumani «Qahramon» MFYdagi «O.K.» MCHJga qarashli avtomobillarga yoqilg‘i quyish shoxobchasida sotilayotgan avtobenzindan namuna olinib, laboratoriya tahlillaridan o‘tkazilganda AI-92-markali avtobenzin davlat standart talablariga mos kelmasligi (sifatsiz) ma’lum bo‘ldi.
Bu kabi holat Oltinko‘l tumanidagi «T.X.» xususiy korxonasi va «Z.Sh.P.» MCHJlarga qarashli AYOQSHlarda ham AI-92-markali avtobenzin davlat standart talablariga mos kelmasligi ma’lum bo‘ldi.
Mazkur holatlar yuzasidan qoidabuzarlikka yo‘l qo‘ygan ushbu AYOQShlarda birja savdolarida ishtirok etishi vaqtincha to‘xtatildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
