Ertaga, 14-yanvar — barcha uchun ish kuni

14-yanvar – Vatan himoyachilari kuni O‘zbekistonda keng nishonlanadi, biroq bu kun dam olish kuni hisoblanmaydi.

Mehnat kodeksining 208-moddasiga ko‘ra, quyidagi 9 ta ishlanmaydigan bayram kuni bor:

1-yanvar — Yangi yil;

8-mart — Xotin-qizlar kuni;

21-mart — Navro‘z bayrami;

9-may — Xotira va qadrlash kuni;

1-sentyabr — Mustaqillik kuni;

1-oktyabr — O‘qituvchi va murabbiylar kuni;

8-dekabr — Konstitutsiya kuni;

Ro‘za hayit (Iyd al-Fitr) diniy bayramining birinchi kuni;

Qurbon hayit (Iyd al-Adha) diniy bayramining birinchi kuni.

Qonun bilan tasdiqlangan bayramlar soni 30 dan ortiq bo‘lib, ularning 9 tasi dam olish kuni hisoblanadi, qolganlari esa ishlanadigan bayram kunlaridir. 14-yanvar – Vatan himoyachilari kuni ham qonun bilan belgilangan ishlanadigan bayram kunlaridan biridir.