Joriy yilning dastlabki oyida O‘zbekiston korxonalari tomonidan 55,8 trillion so‘mlik sanoat mahsulotlari ishlab chiqarildi. Bu o‘tgan yilning yanvariga nisbatan 11,2 trillion so‘m ko‘p bo‘lsa-da, ishlab chiqarish hajmining fizik o‘sish sur’ati 16,4% dan 4,3% gacha pasaygan. Ushbu raqamlar Statistika agentligining hisobatida qayd etildi.
O‘zbekistonning uchta viloyatida sanoat ishlab chiqarish hajmining pasayishi kuzatildi:
▪️ Toshkent – 1,1%
▪️ Sirdaryo – 1,3%
▪️ Jizzax – 6,8%
Eng yuqori o‘sish sur’atlari esa quyidagi hududlarda qayd etildi:
▪️ Namangan – 10,8%
▪️ Xorazm – 10,7%
▪️ Navoiy – 10,3%
▪️ Toshkent shahri – 10,2%
Energiya taqchilligi sanoatga ta’sir ko‘rsatdi
O‘sish sur’atlarining sekinlashishi yanvar oyida elektr energiyasi, gaz va yoqilg‘ining boshqa turlarini ishlab chiqarish hajmining qisqarishi bilan bog‘liq.
Kon sanoati
▪️ Tog‘-kon va karerlarni qazib olish korxonalari yanvarda 5,6 trillion so‘mlik mahsulot ishlab chiqardi.
▪️ Ko‘mir qazib olish hajmi 14,3% oshdi (357,8 ming tonnadan 408,8 ming tonnaga).
▪️ Neft qazib olish – 8,7%, gaz – 3%, gaz kondensati – 9,6% kamaydi.
Ishlab chiqarish sanoati
▪️ Umumiy sanoatning 79,1 foizi ishlab chiqarish korxonalariga to‘g‘ri keldi.
▪️ Dizel ishlab chiqarish – 33,8%, benzin – 20,5%, sement – 10,2%, yuk avtomobillari – 29,3% kamaydi.
▪️ Yengil avtomobil ishlab chiqarish 4,4% qisqarib, 14 968 donani tashkil etdi.
▪️ Muzlatkich va sovitkich ishlab chiqarish 3,5 barobar oshib, 20,3 ming donaga yetdi.
Metallurgiya va boshqa sohalar
▪️ Metallurgiya sanoatida ishlab chiqarish hajmi 4,3% o‘sdi.
▪️ Tayyor metall buyumlar ishlab chiqarish 19%, kimyo mahsulotlari esa 1,2% kamaydi.
Bundan tashqari, qurilish, xizmatlar va chakana savdo sohalarida ham o‘sish sur’atlari sekinlashgani qayd etildi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
