“Oila va xotin-qizlarni qo‘llab-quvvatlash tizimini yanada takomillashtirish chora-tadbirlari to‘g‘risida”gi Prezident qarori qabul qilindi.
Qarorga ko‘ra, 2025-yilda xotin-qizlarni qo‘llab-quvvatlashning asosiy maqsadlari belgilandi:
✅ 2 million nafar xotin-qizlarning bandligini ta’minlash;
✅ 250 ming nafar ayolni kasb-hunar va tadbirkorlikka o‘qitish;
✅ 250 ming nafar xotin-qizlarni oliy ta’lim bilan qamrab olish;
✅ 50 ming ehtiyojmand ayolni sanatoriylarda sog‘lomlashtirish hamda tadbirkorlik bo‘yicha motivatsion seminarlar tashkil etish.
Garovsiz kredit va grantlar
2025-yil 1-maydan “HAMROH” dasturi doirasida:
🔹 “Yashil loyihalar” va IT sohasidagi tadbirkorlikni rivojlantirish hamda kamida 5 ayol tadbirkorni qo‘llab-quvvatlagan 1 ming nafar “ustoz” tadbirkorlarga 50 million so‘mgacha grant ajratiladi.
🔹 Ijobiy kredit tarixiga ega bo‘lgan xotin-qizlarga 100 mln so‘mgacha garovsiz kredit ajratiladi.
🔹 Ayol tadbirkorlar tomonidan kredit hisobidan sotib olingan asbob-uskunalar yetkazib berilgunga qadar “Tadbirkorlikni rivojlantirish kompaniyasi” AJ tomonidan kafillik taqdim etiladi.
Ayollar tadbirkorligini rivojlantirish platformasi
2025-yil 1-iyulgacha “Tadbirkor ayollar” platformasi ishga tushiriladi. U quyidagi imkoniyatlarni yaratadi:
✔ Xomashyo sotib olishga ko‘maklashish;
✔ O‘zaro hamkorlikni kengaytirish va mahsulotlar uchun bozor topish;
✔ Mutaxassislarni izlash va ishga qabul qilish;
✔ Tadbirkorlik faoliyatidagi muammolarni aniqlash va yechim topish.
Tadbirkorlikni o‘rganmoqchi bo‘lgan ayollar uchun imkoniyatlar
🔹 2025-yil 1-maydan “Hamkor tadbirkor” dasturi yo‘lga qo‘yiladi. U tadbirkorlikni boshlamoqchi bo‘lgan xotin-qizlarni qo‘llab-quvvatlashga qaratilgan.
🔹 Mahalliy va xalqaro elektron platformalarda ayollarga mahsulotlarini joylashtirish va sotish imkoniyati yaratiladi.
🔹 2025-yil 1-avgustgacha Ayollar tadbirkorligini qo‘llab-quvvatlash bo‘yicha moliyaviy xizmatlar strategiyasi tasdiqlanadi.
Shuningdek, yetakchi ishbilarmon ayollardan Tadbirkor ayollar kengashi tashkil etiladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
