O‘zbekiston Markaziy banki 2025-yil mart oyida 11 tonna oltin sotdi. Jahon oltin kengashi (WGC) ma’lumotlariga ko‘ra, bu dunyo bo‘yicha oy davomidagi eng yuqori ko‘rsatkich hisoblanadi.
Martda dunyodagi markaziy banklar tomonidan jami 35 tonna qimmatbaho metall xarid qilindi va 18 tonnalik sotuvlar amalga oshirildi.
Eng ko‘p oltinni Polsha (+16 t), Qozog‘iston (+11 t) va Xitoy (+3 t) sotib olgan bo‘lsa, O‘zbekiston (-11 t), Singapur (-5 t) va Qirg‘iziston (-2 t) eng ko‘p oltin sotgan davlatlar bo‘ldi.
Eslatib o‘tamiz, fevral oyida O‘zbekiston 12 tonna qimmatbaho metall sotish bilan dunyodagi eng yirik oltin sotuvchisiga aylangandi. Yanvar yakunlariga ko‘ra esa O‘zbekiston Markaziy banki zaxiralarini 8 tonnaga oshirib, jahonda oltinning asosiy xaridori bo‘lgandi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
