Сиёсат Максимал режимли колонияда ўтаётган Алексей Навалний яна жазо камерасига жойлаштирилди. Бу ҳақда «Team Navalniy» телеграм-каналида хабар берилди.
Бу гал 15 суткага жазо камерасига жойлаштирилишига сабаб ёзма материаллар мусодара қилинишига норозилик билдирган. Сиёсатчи «ўз хонасидан чиқиб, ўзи олиб кетилган бошқа биноларга киришдан» бош тортди. Бунинг учун «унга қарши кунига тўрт марта жисмоний куч қўлланилган», дейди нашр.
Бу Навалнийнинг 22-жазо камерасига жойлаштирилиши. Ҳаммаси бўлиб у 251 кунни изоляторда ўтказади. Охирги марта у 24 октабрь куни жазо камерасига жойлаштирилган эди.
Августь ойи бошида Москва шаҳар суди аллақачон қамоқда бўлган сиёсатчини “экстремистик жамоа” иши бўйича 19 йилга ҳукм қилди. Сиёсатчи Жиноят кодексининг етти моддаси бўйича судланган бўлиб, улардан энг оғирлиги экстремистик жамиятни яратиш бўлган. Октябр ойида сиёсатчининг уч нафар адвокати ҳам экстремизмда айбланиб, ҳибсга олинган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
