Пекин Тайваннинг Хитой материк билан тинч йўл билан бирлашишига умид қилмоқда, бироқ охирги вариант сифатида орол масаласини куч ишлатиш билан ҳал қилиш имкониятини истисно этмайди. Бу ҳақда Хитойнинг Венадаги элчиси Ци Мей маълум қилди, дея хабар беради Die Presse.
Ци Мейнинг таъкидлашича, Тайвань Хитой ва Қўшма Штатлар ўртасидаги тўсиқдир. Шу билан бирга, у орол Хитойнинг провинцияси эканлигини таъкидлади. “Албатта, биз тинч йўл билан бирлашишга умид қиламиз. Лекин биз мустақил давлат сифатида охирги вариантдан – ҳарбий куч ишлатишдан бош торта олмаймиз. Тайван бўғозида барқарорликни таъминлашнинг тўғри йўли “ягона Хитой” тамойилига амал қилиш ва Тайван мустақиллигини рад этишдир”, – дея тушунтирди у.
Хитой дипломатик миссияси раҳбарининг сўзларига кўра, Қўшма Штатлар ва Хитой ҳар икки томонда алмашинув ва ҳамкорлик каналларини мустаҳкамлашга, муносабатларни барқарорлаштиришга ҳаракат қилмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
