«Биз НАТО билан ҳамкорликни оширмоқдамиз. Биз кўп жиҳатдан техник салоҳиятимиз, армияни бошқариш тамойиллари нуқтаи назаридан де-факто НАТО армиясига айланяпмиз», деди Украина ташқи ишлар вазири Дмитрий Кулеба.
НАТО ташқи ишлар вазирлари чоршанба куни Киев билан хавфсизлик масалалари бўйича ҳамкорликни кучайтиришга келишиб, Яқин Шарқдаги можаро кучайиб бораётганига қарамай, Украинани қўллаб-қувватлашни давом эттиришга ҳаракат қилишди.
НАТО-Украина кенгашининг биринчи йиғилиши якунлари бўйича ўз баёнотида алянс иттифоқчилари «Украинани сиёсий ва амалий қўллаб-қувватлашни янада кучайтириш бўйича мажбуриятимизда собит қолишга» ваъда беришди.
Улар, шунингдек, «керак бўлганда, Украинани қўллаб-қувватлашда давом этишларини» таъкидладилар.
НАТО Бош котиби Енс Столтенберг кенгаш йиғилишида иттифоқчиларни Украинани қўллаб-қувватлаш бўйича аниқроқ чоралар кўришга чақирди. У Россия қиш олдидан катта миқдордаги ракета заҳираларини тўплагани ҳақида огоҳлантирди.
Унинг сўзларига кўра, Россия “ҳозир ҳарбий, сиёсий ва иқтисодий жиҳатдан заифроқ”. Шу билан бирга, у Кремлни камситмасликка чақириб, Россия энергетика инфратузилмасига янги ҳужумлар уюштираётганини, “Украинани зулмат ва совуқда тарк этишга уринаётганини” таъкидлади.
Алянсга кўра, НАТО ва Украина аллақачон ҳамкорликда ишламоқда ва ўзаро ҳамкорлик, энергия хавфсизлиги, инновациялар, киберхавфсизлик ва ҳарбий барқарорлик каби кенг кўламли масалалар бўйича тенг ҳуқуқли қарорлар қабул қилмоқда.
НАТО давлатлари “Украинанинг хавфсизлик ва мудофаа секторини қайта тиклашга ёрдам бериш ҳамда Украинанинг узоқ муддатли тўхтатиб туриш ва мудофаасини қўллаб-қувватлаш” учун ҳаракат қилади. «Ушбу саъй-ҳаракатларнинг бир қисми сифатида биз Украинанинг НАТО билан тўлиқ ҳамкорликка ўтиши учун йўл харитасини ишлаб чиқмоқдамиз», дейилади баёнотда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
