Москвадан Урганчга учаётган самолёт Самарага фавқулодда қўнишга мажбур бўлди. Бу ҳақда «Uzbekistan Airports» хабар берди.
Хабарга кўра, Азимут авиакомпаниясининг Москва-Урганч йўналишида АЗО-7059 рейсини амалга ошираётган ССЖ-100 самолёти Самара шаҳрида фавқулодда қўнишни амалга оширди. Бунга йўловчининг соғлиғининг ёмонлашгани сабаб бўлган.
Жадвалга кўра, самолёт Урганч халқаро аэропортига маҳаллий вақт билан соат 07:35 да қўниши керак эди. Мажбурий қўниш сабабли парвоз кечиктирилмоқда. Хусусуан, Урганч аэропортига етиб келиш маҳаллий вақт билан соат 10:15 га белгиланган. Урганчдан жўнаш эса соат 11:00 да режалаштирилмоқда. Внуково аэропортига етиб келиш Москва вақти билан соат 13:00 га режалаштирилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
