Хитойда нафас йўллари касалликлари тўлқини маълум патогенлар сабаб бўлган. Бу ҳақда Хитой Халқ Республикаси соғлиқни сақлаш давлат қўмитаси баёнотига таяниб, “РИА Новости” хабар бермоқда.
Департаментнинг таъкидлашича, сўнгги пайтларда мамлакатда фуқаролар соғлиғининг кескин ёмонлашишига олиб келадиган янги патогенлар аниқланмаган. Гап вируслар ёки бактериялар келтириб чиқарадиган янги юқумли касалликларнинг йўқлиги ҳақида бормоқда, дея аниқлик киритди Давлат қўмитаси расмий вакили Ми Фенг матбуот анжуманидаги чиқиши чоғида.
Хитой ҳукумати респиратор касалликларнинг янги авж олишини коронавирус пандемияси даврида мамлакатда жорий этилган чекловларнинг олиб ташланиши, шунингдек, грипп, микоплазма пневмонияси ва респиратор синтситиал вирус каби маълум патогенларнинг айланиши билан боғлади.
Шунга қарамай, Ми Фенг фуқароларни хотиржамликка чақирди, чунки мамлакатда тарқаладиган барча ўткир респиратор касалликларни даволаш усуллари ўрнатилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
