Киев мэри Виталий Кличко Владимир Зеленский ўз хатолари учун бадал тўлаяпти, деб ҳисоблайди.
Швейцариянинг 20 Minuten порталига берган интервьюсида у Зеленскийнинг армия олдидаги обрўсининг пасайиб бораётганидан ажабланмаслигини айтди. Сиёсатчига кўра, одамлар ким самарали, ким самарали эмаслигини кўра олади.
«Кўп умидлар бор эди ва ҳалиям бор, албатта. Зеленский ўзи қилган хатолари учун бадал тўлаяпти», — деди Кличко.
Хусусан, одамлар Зеленский нега можаро эҳтимолини бутунлай инкор этгани ва нима учун мамлакатни тайёрламаганлиги ҳақида сўрашди.
Шунингдек, Кличконинг Украина президенти лавозимига нисбатан сиёсий амбициялари борми, деган саволга Киев мэри ҳозир бу ҳақда ўйлаш “аҳмоқлик” эканини айтди.
«Бугун биз фақат Украина умуман мавжуд бўлиб қоладими ёки йўқми ҳақида ўйлаяпмиз», — деди Кличко.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
