Britaniya qiruvchi samolyotlar Qizil dengizda kemalariga hujum qilgach, yamanlik husiylarga qarshi bir qator havo hujumlarini amalga oshirishga hozirlik ko‘rmoqda, deb xabar beradi Kazinform.
The Times nashrining yozishicha, Britaniya G‘arb ittifoqchilari bilan nishonga olingan raketa zarbasini amalga oshirishni muvofiqlashtirmoqda.
Ehtimoliy maqsadlarga Qizil dengizdagi yoki husiylar joylashgan Yamandagi quruqlikdagi joylar kiradi.
Qaror Buyuk Britaniya Mudofaa vaziri Grant Shepps yakshanba kuni «agar husiylar hayot va savdoga tahdid qilishda davom etsa, biz kerakli va tegishli choralarni ko‘rishga majbur bo‘lamiz», – deya ogohlantirganidan keyin qabul qilindi.
Husiylar strategik ahamiyatga ega dengiz yo‘li – Qizil dengizda kemalarga qayta-qayta hujum qilmoqda.
Bu harakat G‘azo sektorida Isroil bilan bo‘lgan mojaroda XAMASni qo‘llab-quvvatlash namoyishi sifatida ko‘rilmoqda.
Buyuk Britaniya tashqi ishlar vaziri Devid Kemeron yakshanba kuni ertalab eronlik hamkasbi Husayn Amir Abdullohiyyon bilan telefon orqali suhbatda Eronni husiylarga Qizil dengizdagi kemalarga hujumlarini to‘xtatish uchun ta’sir o‘tkazishga chaqirdi.
“Men Husayn Amir Abdullohiyyon bilan begunoh odamlar hayoti va jahon iqtisodiyotiga tahdid solayotgan xusiylarning Qizil dengizdagi hujumi haqida gaplashdim. Men Eronning husiylarni uzoq vaqtdan beri qo‘llab-quvvatlab kelayotganini inobatga olgan holda, bu hujumlarning oldini olish mas’uliyatini o‘z zimmasiga olishini aniq aytdim”, — deb yozgan Devid Kemeron X sahifasida (sobiq Twitter).
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
