Bugundan YCHL nimchorak final javob uchrashuvlari start oladi.Ikki uchtashuv bugun tunda boʻlib oʻtishi koʻzda tutilgan. Ulardan birinchisi PSJ va «Real Soseydad» qarama qarshiligi. Dastlabki bahsda Mbappe va Barkolaning gollari evaziga 2:0 hisobida gʻalaba qozonib, biroz xotirjam holatda San Sebastianga yetib kelgan Luiz Enrike shogirdlariga «Real Soseydad» bugun bor kuchi bilan tashlanishi turgan gap, chunki jamoa hozir milliy chempionatda yettinchi oʻrinda bormoqda va kelasi yil yevrokuboklarda qatnashishi ham soʻroq ostida. Bu tomonda Mbappe «PSJ» bilan soʻngi mavsumida koʻhna qitʼaning eng nufuzli turnirini yutib ketish uchun astoydil harakat qilishini aytdi.
Kunning yana bir bahsi «Allianz Arena»da boʻlib, yozda jamoani tark etishi maʼlum boʻlgan Tomas Tuxel boshchiligidagi «Bavariya» ichki chempionatda ishlari uncha yurishmayotgan «Latsio»ni qabul qiladi. Rimdagi bahsda «Latsio» Immobilening yagona goli evaziga gʻalaba qozongan. Ha, «Bavariya» ham bu mavsum biroz sustlashgan, Bundesligada ham «Bayer»ning chempionligi tobora aniq boʻlib bormoqda. Qolaversa, bugungi bahsda nemislarning asosiy himoyachisi Dayo Upamekano birinchi oʻyindagi qizil kartochka sabab oʻyinni oʻtkazib yuboradi. Bu bahsning yana bir qiziq jihati shundaki, Myunxenga aynan sovrin yutish uchun kelgan Harry Keyn «Tottenxem»da boʻlgani kabi bu mavsum ham birorta jamoaviy titulsiz qolishi mumkin. Agar bugun «Bavariya» turnirni tark etadigan boʻlsa, jamoa mavsumni birorta sovrinsiz yakunlashi ehtimoli juda katta, chunki klub kubokda quyi diviziya jamoasiga magʻlub boʻlib turnirni tark etgan, chempionatda ham Alonso shogirtlaridan 10 ochko ortda bormoqda.
Eslatib oʻtamiz, ikki uchrashuv ham bugun tunda, Toshkent vaqti bilan 01:00 da start oladi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
