Fargʻona viloyatida “Qoʻqon” aeroportini rekonstruksiya qilish ishlari yakunlandi. Bu haqda “Uzbekistan Airways” matbuot xizmati xabar berdi.
20-mart kuni ertalab aeroport birinchi texnik parvozni qabul qildi – “Uzbekistan Airways” aviakompaniyasining A320 NEO samolyoti ekipaji Qoʻqon aeroportiga qoʻndi.
Viloyat aeroportida uchish-qoʻnish yoʻlagi 2000 metrgacha uzaytirildi hamda A320 va ATR72-600 rusumli samolyotlar uchun ikkita toʻxtash joyiga ega perron rekonstruksiya qilindi. Shuningdek, aeroportda 100 kishiga moʻljallangan 900 kv.m maydonli yangi yoʻlovchi terminali qurildi.
“Uzbekistan Airways” aviakompaniyasining tajribali uchuvchilari tomonidan Toshkent – Qoʻqon yoʻnalishi boʻyicha amalga oshirilgan texnik parvoz aerodromning samolyotlarni qabul qilish va joʻnatishga hamda terminalning yoʻlovchilarni qabul qilish va ularga xizmat koʻrsatishga toʻliq tayyorligini koʻrsatdi.
Muntazam parvozlarni 2024-yil 1-apreldan boshlash rejalashtirilgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!