Qashqadaryo viloyatining Kitob tumaniga Rustam G‘afurov hokim etib tayinlandi. Bu haqda viloyat hokimligi matbuot xizmati xabar berdi. Tayinlovga qadar u Qashqadaryo viloyati kambag‘allikni qisqartirish va bandlik bosh boshqarmasi boshlig‘i lavozimida ishlab kelayotgan edi.
Bugun, 2-aprel kuni xalq deputatlari Kitob tuman Kengashining navbatdan tashqari sessiyasi bo‘lib o‘tgan va unda deputatlar Rustam Abdirasulovich G‘afurovni Kitob tumani hokimi lavozimiga tasdiqlagan.
Ma’lumot uchun, Rustam G‘afurov 1984-yilda tug‘ilgan. Toshkent irrigatsiya va millioratsiya instituti, Qarshi muhandislik-iqtisodiyot instituti, O‘zbekiston Respublikasi bank akademiyasi va O‘zbekiston Respublikasi Prezidenti huzuridagi Davlat boshqaruvi akademiyasini tamomlagan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
