Yuk tashuvlari jarayonini jadallashtirish maqsadida mamlakatlar o‘rtasida ruxsatnoma blankalarini elektron «E-permit» ayirboshlash tizimi amaliyotga tatbiq etildi. Bu haqda O’zbekiston respublikasi Transport vazirligi matbuot xizmati ma’lum qildi.
Qayd etilishicha, ikki davlat o‘rtasida avtomobil transportida xalqaro yuk tashuvlari sohasida qulay shart-sharoitlarni yaratish, ushbu jarayonga zamonaviy raqamli texnologiyalarni keng joriy etishga alohida e’tibor qaratilmoqda.
«E-permit» tizimini qo‘llagan holda ilk kvotalar almashilib, yuk avtotransport vositalari «Yallama» chegara bojxona posti orqali harakatlandi. Transport vazirligi huzuridagi «Raqamli transport markazi» mutaxassislari tomonidan ushbu tizim test rejimida muvaffaqiyatli ishga tushirildi.
Eslatib o‘tamiz, ushbu elektron tizim ilk marotaba Transport vazirligi tashabbusi bilan 2021-yilning 11-noyabrida O‘zbekiston va Turkiya o‘rtasida amaliyotga joriy etilgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
