Kecha, 4-iyun kuni soat 18:30 larda Shayxontohur tumani Nurafshon ko’chasi 15a-uy qarshisida, NEXIA 3 rusumli transport vositasining motor qismida, yong’in kelib chiqqan. Bu haqda Toshkent shahar IIBB YHXB Axborot xizmati xabar berdi.
Yong’in tuman FVB xodimlari tomonidan bartaraf etilgan. Yongʼin natijasida tan jarohati olganlar yo’q.
Mazkur hodisa yuzasidan YHXB hamda FVB xodimlari tomonidan surishtiruv olib borilib, yongʼin yuzaga kelishining sabablari va zarar miqdoriga aniqlik kiritilmoqda.
Barcha haydovchilardan boshqaruvidagi transport vositasining texnik sozligiga eʼtiborli boʼlishlarini soʼraymiz, deyiladi xabarda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
