Isroildagi o‘zbekistonliklarga ayrim ehtiyot choralarini ko‘rish qat’iy tavsiya qilingan.
O‘zbekistonning Isroildagi elchixonasi ushbu davlatda yashayotgan o‘zbekistonliklarni ogohlantirdi.
Qayd etilishicha, Isroildagi mavjud xavfsizlik vaziyati munosabati bilan O‘zbekiston elchixonasi quyidagi ehtiyot choralarini ko‘rishni qat’iy tavsiya qiladi:
Isroilning ayrim hududlariga borishdan saqlanish;
Isroil hukumati va O‘zbekiston elchixonasi rasmiy xabarlarini kuzatib borish. Isroil frontorti qo‘mondonligidan bildirishnomalar va ogohlantirishlar, mobil ilovasi yoki veb-sayti havolasini telefonga o‘rnatish;
Shaxsni tasdiqlovchi hujjatlar va O‘zbekiston elchixonasining aloqa ma’lumotlarini doimo olib yurish;
Imkon qadar ommaviy yig‘ilishlar joyini chetlab o‘tish va jamoat joylariga tashrif buyurishni cheklash.
Agar Isroildagi o‘zbekistonliklarga shoshilinch yordam yoki maslahat kerak bo‘lsa, O‘zbekistonning Isroildagi elchixonasiga quyidagi telefonlar orqali murojaat qilishi mumkin:
• Favqulodda yordam telefonlari :
03-672-2466;
03-672-2371;
03-758-5075;
03-758-5076;
Favqulodda va shoshilinch xabarlar uchun:
054 485 1397.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
