Tatyana Karimova Birinchi Prezident Islom Abdugʻaniyevichning qabrini ziyorat qildi (foto).
Oʻzbekistonning sobiq birinchi xonimi Tatyana Karimova Birinchi Prezident Islom Karimovning xotirasini yod etdi. Bu haqda u Instagramʻdagi sahifasida post qoldirdi.
Tatyana Karimova oʻz sahifasida Birinchi Prezidentning qabriga gul qoʻyayotgani aks etgan rasmni joylagan va quyidagicha izoh qoldirgan:
“Olloh taolodan rahmatli Birinchi Prezidentimizning Vatan ozodligi, yurt tinchligi, milliy va diniy qadriyatlarimizni tiklash va el farovonligi yulidagi solih amallarini qabul aylashini va oxiratlarini obod qilishini soʻraymiz. Joyingiz jannatda boʻlsin. Qalbimizda abadiy yashaysiz”, deb yozgan Karimova.
Eslatib oʻtamiz, 26 avgust kuni Samarqandga tashrifi chogʻida Prezident Shavkat Mirziyoyev Hazrati Hizr majmuasida ham boʻlib, mamlakatning Birinchi Prezidenti Islom Karimov maqbarasiga gul qoʻygandi. Qurʼon oyatlari tilovat etilib, duo oʻqilgandi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
