Paralimpiya o‘yinlarida O‘zbekiston terma jamoasi umumjamoa hisobida Osiyo davlatlari orasida 3-o‘rinni, dunyoda esa 13-o‘rinni egalladi.
Paralimpiyachilarimiz 10 ta oltin, 9 ta kumush va 7 ta bronza medallarini qo‘lga kiritishdi.
Hamyurtlarimiz Asila Mirzayorova, Qudratilloxon Ma’rufxo‘jayev, Elbek Sultonov, Yorqinbek Odilov, Asadbek Toshtemirov, Bobirjon Omonov, Sherzod Namozov , Xusniddin Norbekov, Tolibboy Yo‘ldoshev va Nurxon Qurbonovalar oltin medalga sazovor bo‘ldilar.
Ziyodaxon Isakova, Kubaro Hakimova, Guljonoy Naimova, Doniyor Saliyev, Server Ibragimov, Safiya Burxonova, Kumushxon Xodjayeva, Shahinaxon Yigitaliyeva, Ro‘za Qo‘ziyevalar esa kumush medalga ega chiqishdi.
Muslima Odilova, Tolibboy Yo‘ldoshev, Moxigul Hamdamova, Nurxon Qurbonova, Temurbek G‘iyosov, Uchqun Quronboyev va Dovurxon Karomatovlar bronza medalini qo‘lga kiritishdi.
O‘zbekistondan oldingi o‘rinlarni band etgan Germaniya va Kanada jamoalari ham 10 tadan oltin medalni qo‘lga kiritgan, biroq mazkur davlatlar kumush medallarning ko‘pligi evaziga 10 va 11-o‘rinlarni egalladi.
Delegatsiyamiz bugun yurtimizga qaytib keladi. Ularni Toshkent xalqaro aeroportida tantanali kutib olish rejalashtirilgan.
Paralimpiyada sovrindorlariga ham olimpiada sovrindorlari kabi, oltin medal uchun 200 ming, kumush medal uchun 100 ming va bronza medali uchun 50 ming AQSh dollari berilishi rejalashtirilgan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
