Global muassasa va tashkilotlar G’azodagi zo’ravonliklarni to’xtatish va Isroil qotilliklarining oldini olish uchun hech qanday ta’sirli qadam tashlamadi. Bu haqda Turkiya prezidenti Rajab Toyyib Erdo‘g‘on Nyu-Yorkda Turk Amerika milliy muvofiqlashtirish qo‘mitasi (TASC) tomonidan tashkil etilgan tadbirda so‘zlagan nutqida aytib o‘tdi.
“Global tizim o‘zining barcha samaradorligi va ishonchliligini yo‘qota boshladi. Vazifasi tinchlik va xavfsizlikni ta’minlash bo’lgan muassasalar ma’naviy tanazzulga uchraganligi aniq. G’azoda 352 kundan beri davom etayotgan qotilliklar buni yana bir bor tasdiqlaydi”, – dedi Erdog’an.
Davlat rahbari Srebrenitsadan 30 yil o‘tib, bu gal G‘azoda butun dunyoga yaqqol ko‘rinib turgan o‘ta shafqatsiz genotsid sodir bo‘layotganini ta’kidladi.
“Hozirgi kunga qadar 1,9 million odam oʻz uyini tark etishga majbur boʻldi. Bu odamlar qo’rqinchli sharoitlarda, hech qanday infratuzilmaga ega bo’lmagan holda, o’zlari qoldirgan narsalar bilan omon qolishadi. Bu azob-uqubatlar davom etayotgan bir paytda, afsuski, jasur odamlarning kichik guruhini hisobga olmaganda, rasmiylardan sezilarli javob bo’lmadi. Xuddi shunday, global institut va tashkilotlar G‘azodagi zo‘ravonlikni to‘xtatish va Isroil qotilliklarining oldini olish uchun hech qanday samarali choralar ko‘rmadi”, deb ta’kidladi Turkiya rahbari.
«Biz ishg’ol, istilo va genotsid siyosatlarini to’xtatish uchun qo’limizdan kelganini qilamiz»
Erdo‘g‘on o‘z nutqi davomida har bir noqonuniy xatti-harakati uchun mukofotlangan Isroil rahbariyati tobora shafqatsiz va g‘ayriinsoniy hujumlar qilishda davom etayotganini ta’kidladi. Uning ta’kidlashicha, Isroil tomonidan G’azo va Falastin hududlarida amalga oshirilgan genotsid mintaqa tinchligiga tahdid solmoqda.
Erdo‘g‘an Isroilning Livanga yaqinda uyushtirgan hujumlari va Isroil rasmiylarining tegishli bayonotlarini mojaroni yoyishga urinishlarning yaqqol ko‘rinishi sifatida ta’kidladi.
“Biz bu ishg’ol, fath va genotsid siyosatini to’xtatish uchun qo’limizdan kelgan barcha ishni qilmoqdamiz va buni davom ettiramiz” dedi va Turkiya Masjidul-Aqsaning muqaddasligi va tarixiy maqomiga qaratilgan hujumlarga befarq qolmadi.
Erdo’g’an, AQShdagi yetakchilar bilan bo’lgan muloqotlari chog’ida doimiy sulh o’rnatish uchun Isroilga bosimni kuchaytirish zarurligiga e’tibor qaratishini ta’kidladi.
Uning qayd etishicha, Amerikaning turli shtatlarida ongi bor odamlar Falastin xalqini qo‘llab-quvvatlash uchun ko‘chalarga chiqishmoqda.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
