Ukraina Oliy Radasi kecha, 9-oktyabr kuni 18 yoshdan 25 yoshgacha bo‘lgan ayrim fuqarolarni harbiy xizmatga chaqirishdan ozod etuvchi qonunni qabul qildi. Uni qabul qilish uchun 311 deputat ovoz berdi. Bu haqda deputat Aleksey Goncharenko ma’lum qildi.
RBK-Ukraina ma’lumotlariga ko‘ra, qonun sog‘liq nuqtai nazaridan harbiy xizmatga yaroqsiz deb topilgan va urush paytida cheklangan yaroqlilarga harbiy xizmatdan ozod qilishni ta’minlash maqsadida qabul qilingan. Harbiy holat davrida va 25 yoshga to‘lguncha, bunday ukrainaliklarni faqat ularning roziligi bilan chaqirish mumkin bo‘ladi.
Qayd etilishicha, may oyida Ukrainada 25 yoshdan boshlab harbiy xizmatga chaqirish bo‘yicha yangi qonun kuchga kirganidan so‘ng, 18 yoshdan 25 yoshgacha bo‘lganlarni xizmatga chaqirish bo‘yicha nizolar yuzaga kelgan. 25 yoshga to‘lguncha chaqirilishi mumkin bo‘lgan ukrainaliklar xizmat muddati o‘tgan, harbiy kafedrani tugatgan yoki harbiy tibbiy komissiya tomonidan tinchlik vaqtida yaroqsiz, urushda esa yaroqli deb topilganlar hisoblanadi. Shu bilan birga, qonunlardan “cheklangan yaroqli” maqomi o‘chirilib tashlandi va bunday maqomga ega bo‘lgan xizmatga chaqirila boshlandi.
Ma’lum bo‘lishicha, ovoz berishdan bir kun oldin, 8-oktyabrda qonun matnidan urush paytida cheklangan yaroqli deb tan olingan harbiy xizmatga chaqirilganlarni zaxira hisobiga o‘tkazish haqidagi norma olib tashlangan. Ushbu masalani hal qilish uchun alohida qonun loyihasi ishlab chiqilishi rejalashtirilgan bo‘lib, bunda zaxira hisobiga o‘tkazish mexanizmi va muddatlari ko‘rsatilishi belgilangan.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
