Bugun, 15-oktyabr kuni bo‘lib o‘tadigan Jahon chempionati saralashi doirasidagi O‘zbekiston-BAA o‘yini munosabati bilan Toshkent shahri Chilonzor tumanidagi ayrim ko‘chalar yopiladi. Bu haqda Toshkent shahar IIBB YHXB xabar berdi.
Qayd etilishicha, Bunyodkor ikkinchi darajali ko‘chasidan-Cho‘ponota ko‘chasigacha bo‘lgan qismida 16:00 dan soat 22:00 gacha bo‘lgan vaqt oralig‘ida avtotransport vositalari harakati vaqtinchalik cheklanadi.
Avvalroq Toshkent shahri Bobur ko‘chasining bir qismi avtomobillar harakati uchun vaqtincha cheklanishi xabar qilingandi.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
