Yangiyo‘lda 5 kishini o‘ldirib, yoqib yuborishda ayblanayotgan shaxsga oid sud ishi ko‘rilyapti

Yangiyo‘lda 5 kishini o‘ldirib, yoqib yuborishda ayblanayotgan shaxsga oid ish sudda ko‘rilyapti.

Bugun, 15-noyabr kuni Toshkent viloyat sudida Jinoyat kodeksining 97 (qasddan odam o‘ldirish), 118 (nomusga tegish), 134 (qabrni tahqirlash), 164 (bosqinchilik) va 173 (mulkni qasddan nobud qilish yoki unga zarar yetkazish) moddalarida nazarda tutilgan jinoyatlarni sodir etganlikda ayblanayotgan Z. S. ga oid jinoyat ishini birinchi instansiyasida ko‘rib chiqish bo‘yicha sud jarayoni boshlandi. Ayblanuvchi 1995-yilda Namangan viloyatida tug‘ilgan.

Ushbu jinoyat ishi Jinoyat-protsessual kodeksining 19-moddasi talablariga muvofiq yopiq sud majlisida ko‘rib chiqiladi.