Йўқотилган хазиналарни излаш узоқ вақтдан бери саёҳат афсоналарининг асосий қисми бўлиб келган. Бахтсиз экспедициялар кашфиётлари ғояси ҳам шундай. Ernest Shackletonнинг HMS Endurance номли кемаси топилганидан етти ой ўтиб энди янги кашфиёт пайдо бўлди: у – 85 йил олдин узоқ тоғ музлигида йўқолган тадқиқотчи Бредфорд Уошберннинг камераларидир.
Тетон Гравити Ресеарч (Teton Gravity Research) учун экспедицияга раҳбарлик қилувчи Explorer Griffin Post августь ойида бир ҳафталик қидирув давомида Канаданинг Юкон ҳудудидаги олис Walsh музлигида мана шу ускунани топди.
1937 йил июнь ойида Вашберн ва унинг шериги Роберт Бейц Канаданинг 17,147 футлик энг баланд учинчи тоғи ва Шимолий Aмерикадаги сўнгги забт этилмаган чўққи бўлган Лукания тоғига чиқиш учун йўл олади.
Улар 8750 фут баландликдаги Walsh музликларида кўтарилишни бошлашлари ва миссияни якунлашлари керак эди. Аммо бундай бўлмади. Ноқулай об-ҳаво шароити туфайли уларни олиб келган самолёт учувчиси тадқиқотчиларнинг ёнига қайтишдан бош тортади. Жуфтлик нафақат кўтарилиш, балки пиёда тушиб, чўл бўйлаб 150 милл масофани босиб ўтиб, энг яқин шаҳарга етиб бориши керак бўларди. Бироқ бунинг учун улар ўз буюмларини ташлаб юборишлари керак эди: 900 фунтлик жиҳозлар, жумладан, чодирлар, алпинизм ускуналари ва учта камера.
Камералар Post жамоаси томонидан қолган жиҳозлар билан бирга олиб келинди. Улардан иккитаси ҳали ҳам плёнка билан юкланган эди. Энди улар суратларни ишлаб чиқиш учун Parks Canada жамоасига топширилди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
