Камчатка қутқарувчилари сайёҳлардан қайноқ кул чиқиндилари ва кучли қор кўчкилари содир бўладиган Шивелуч вулқонига яқинлашмасликни сўради. РИА Новостига кўра, бу ҳақида Россия Фавқулодда вазиятлар вазирлигининг минтақа бўйича бош бошқармаси сайтида тегишли мурожаат эълон қилинди.
Якшанба куни олимлар Шивелуч вулқонининг гумбази жуда иссиқ эканлиги ҳақида огоҳлантирди. 1000 даража иссиқ бўлган қор кўчкилари ҳамда вулқон отилиши пайтида ҳосил бўлган юқори ҳароратли вулқон газлари, кул ва тош қолдиқлари аралашмаси ён бағирлардан пастга оқади. Гумбазнинг бу ҳолати кучли пароксисмал, яъни тўсатдан бошланиб, тўсатдан тўхтаб қоладиган ҳодиса портлашга тайёргарликни кўрсатади.
Айни пайтда вулқон сейсмиклиги ошган. Исталган вақтда денгиз сатҳидан 12 километр баландликда кул чиқиндилари чиқиши мумкин. Бироқ Фавқулодда вазиятлар вазирлиги аҳоли пунктлари учун ҳеч қандай хавф йўқлигини таъкидлади.
Қутқарувчиларнинг сўзларига кўра, биринчи навбатда, вулқон отилиши вақтида зиёрат қилишни афзал кўрадиганлар, шунингдек, бунинг учун кичик самолётларни ижарага олишни истайдиганлар учун хавфлидир. Ҳозирда вулқон ҳудудида рўйхатга олинган гуруҳлар йўқ. Аммо Фавқулодда вазиятлар вазирлиги сайёҳлар Шивелучга мустақил равишда боришлари мумкинлигидан хавотирини билдирган.
Департаментнинг таъкидлашича, вулқон яқинида буғ-газ чиқиндилари пайтида газ белгиланган максимал концентрациясидан ошиб кетиши мумкин. Гигантга яқинлашганда эса кулга тушиш эҳтимоли ҳам бор. Бу аллергик реакцияларга олиб келиши мумкин. Автомобиль механизмларига кул тушиши ва уларнинг ишдан чиқариш эҳтимоли ҳам йўқ эмас.
Шивелуч – Камчаткадаги энг йирик вулқонлардан бири. У учта структура, яъни, Эски Шивелуч вулқони, қадимги калдера ва фаол Ёш Шивелуч вулқонига бўлинади. Ёш Шивелучнинг лава гумбази баландлиги 2500 метрни ташкил қилади. Вулқон Курил-Камчатка ва Алеут орол ёйлари кесишмасида, Ключи қишлоғидан 50 километр ва Петропавловск-Камчатскийдан 450 километр узоқликда жойлашган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
