Давлат қарзи қолдиғи 2022 йилнинг 1 июль ҳолатига кўра 26 млрд АҚШ долларини ташкил этади.
Молия вазирлигининг маълумот беришича, шундан, давлат ташқи қарзи – 23,26 млрд. АҚШ доллари, давлат ички қарзи – 2,77 млрд. АҚШ доллари бўлиб, ялпи ички маҳсулотга (ЯИМ) нисбатан 35,1 фоиз.
Хусусан, давлат қарзининг ЯИМга нисбати 2021 йил бошида 39,0 фоиздан (2021 йил якунида – 38,0 фоиз) 2022 йилнинг 1 июль ҳолатига 35,1 фоизгача пасайди.
Халқаро валюта жамғармасининг мамлакатлар иқтисодиётига бағишланган ҳисоботига кўра, Ўзбекистон Республикасининг давлат қарзи бугунги кунда “мўътадил” даражада ҳисобланади, дейилади «Ўзбекистон Республикаси давлат қарзи ҳолати ва динамикаси шарҳи»да.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
