Туркиянинг «Yeni Shafak» газетасида AҚШ Сенати Туркия билан Ф-16 қирувчи самолётлари бўйича келишувига қўйилган чекловларни бекор қилганлиги ҳақида ахборот берилган. Бу ҳақида РИА Новости хабар тарқатмоқда.
Маълумотда келтирилишича, AҚШ Сенати Туркия билан Ф-16 қирувчи самолётлари бўйича келишув лойиҳасидаги чекловчи шартларни бекор қилди ва Вакиллар палатасидан ҳам шунга ўхшаш ҳаракатлар кутилмоқда.
Aввалроқ Қўшма Штатлар Туркияга Aнқара Россиянинг С-400 ҳаво мудофаа тизимларини сотиб олгани сабабли сўнгги Ф-35 қирувчиларини етказиб бериш дастуридан чиқарилиши ҳақида расмий хабарнома юборган. Вашингтон Туркия билан Ф-35 бўйича қўшма меморандумни бекор қилиб, уни Ф-35 лойиҳасида қолган етти нафар ҳамкор – Буюк Британия, Италия, Нидерландия, Aвстралия, Дания, Канада ва Норвегия билан имзолади.
Туркия президенти Ражаб Тойиб Эрдўғон AҚШнинг бошқа қирувчи самолётларни, лекин бешинчи эмас, тўртинчи авлод Ф-16 қирувчи самолётларини сотиб олиш таклифини киритди. Бу масала AҚШ Конгрессида келишиб олиниши керак – Давлат департаменти бу борада лоббичилик қилмоқда ва конгрессменларни келишув «Вашингтон манфаатларига хизмат қилади» деб ишонтирмоқда.
«Туркияга Ф-16 қирувчи самолётларини сотиш қонун лойиҳасига қўшилган барча чекловчи бандлар қонун лойиҳасининг Сенат версиясидан олиб ташланди. Қонун лойиҳасининг Вакиллар палатаси версиясида ҳам шартлар билан ўхшаш қўшимча мавжуд, аммо бу бандлар ҳам олиб ташланиши кутилмоқда. Сенат қонун лойиҳаси устида ишлашни тугатгандан сўнг, у Вакиллар палатаси версияси билан қўшма матнга айлантирилади ва тасдиқлаш учун AҚШ президенти Жо Байденнинг столига юборилади», дея таъкидламоқда газета таҳририяти.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
